काठमाडौं I काठमाडौंको पिंगलास्थानस्थित बागमती होटलमा एक युवती मृत अवस्थामा फेला परेकी छन्। अन्दाजी २२/२३ वर्षकी ती युवती बुधबार दिउँसो होटलको कोठा नम्बर ३०८ मा मृत भेटिएको प्रहरीले जनाएको छ।

प्रहरीका अनुसार ढोका नखुलेपछि स्थानीय जनप्रतिनिधिको उपस्थितिमा खोलिएको कोठामा शव फेला परेको हो। घटनाबारे आवश्यक कानुनी प्रक्रिया अघि बढाइएको र मृतकका आफन्तको जाहेरीका आधारमा थप अनुसन्धान जारी रहेको प्रहरीले जनाएको छ।

अनुसन्धानमा जिल्ला प्रहरी परिसर, काठमाडौं, उपत्यका अपराध अनुसन्धान कार्यालय र प्रहरी वृत्त गौशाला संलग्न छन्। घटनाको कारणबारे अनुसन्धान जारी रहेको प्रहरीले जानकारी दिएको छ।

युवती मृत फेला

प्रकाशित मिति: बिहिबार, पुस १८, २०८१, १२:४३ बेलुका

लेखक: समाचारपाटी