सिरहा । सिरहामा इँटाभट्टाको पर्खाल भत्किएर १ महिलाको मृत्यु भएको छ । अन्य २ जना घाइते भएका छन् ।

गोलबजार नगरपालिका–८ मा रहेको सगुन इँटा उद्योगको पर्खालले किच्दा भारतको पश्चिम बङ्गाल राज्यकी महिमा वीवीको आज बिहान मृत्यु भएको हो ।

इँटाभट्टामा पोलेको इँटा निकाल्ने क्रममा भट्टीको पर्खाल भत्किएर किच्दा घाइते भएकी उहाँको उपचारका लागि लहान लैजाने क्रममा बाटैमा मृत्यु भएको इलाका प्रहरी कार्यालय गोलबजारले जनाएको छ ।

घाइते ३५ वर्षीया बवी वीवी र ४० वर्षीया ममता वीवीको स्थानीय स्वास्थ्य केन्द्रमा उपचार भइरहेको छ । उनीहरुको अवस्था सामान्य रहेको प्रहरीले जनाएको छ ।

महिलाको मृत्यु

प्रकाशित मिति: शुक्रबार, चैत्र १०, २०७९, ११:५६ बिहान

लेखक: समाचारपाटी