हेटौंडा । जंगली हात्तीको आक्रमणमा परी मकवानपुरमा पुनः एक जना व्यक्तिको मृत्यु भएको छ । बकैया गाउँपालिका–५, पावसका ५० वर्षीय जनकलाल माझीको हात्तीको आक्रमणबाट मृत्यु भएको प्रहरीले जनाएको छ ।

बिहीबार राति ९ बजेको समयमा घर नजिकै बाख्रा खोरमा जाँदै गर्नुभएका माझी हात्तीको आक्रमणमा परी घाइते हुनुभएकाे थियाे । उहाँको हेटौंडा अस्पतालमा उपचारको क्रममा राति ११ बजे मृत्यु भएको जिल्ला प्रहरी कार्यालय मकवानपुरका प्रहरी निरीक्षक बलराम श्रेष्ठले जानकारी दिनुभयाे ।

यसअघि गत सोमबार हात्तीको आक्रमणमा परी मकवानपुरको मनहरी गाउँपालिका–४ मसिनेकी ६४ वर्षीया राधा अधिकारीको मृत्यु भएको थियो । यसैगरी बुधबार राति हेटौंडा–१८, मानेडाँडामा पनि हात्तीको आक्रमणमा परी ३० वर्षीय देव वाईवा घाइते हुनुभएकाे थियाे ।

जंगली हात्तीहात्तीको आक्रमण

प्रकाशित मिति: शुक्रबार, फाल्गुन १२, २०७९, ९:१७ बिहान

लेखक: समाचारपाटी