नेकपा(एमाले)का प्रमुख सचेतक पदम गिरीले लम्पिस्किन रोगको रोकथामका लागि सरकारले उदासिनता देखाएको बताउनुभएको छ । शुक्रवार प्रतिनिधि सभा बैठकको आकस्मिक समयमा बोल्दै प्रमुख सचेतक गिरीले लम्पिस्किन रोग नियन्त्रणका लागि सरकार उदासिन भएको बताउनुभएको हो । उहाँले लम्पिस्किन रोगबाट किसानहरुलाई ३७ अर्ब बराबरको क्षति भइसकेको भन्दै अझैपनि पशुहरुलाई प्रभावकारी ढंगले खोप लगाउन नसकिएको बताउनु भयो । उहाँले गाउँगाउँमा प्राविधिकहरु समेत पठाउन नसकेको भन्दै सरकारलाई यसप्रति ध्यानाकर्षण गराउनु भयो । उहाँले बजेट अभाव भएमा निर्वाचन क्षेत्र विकास कोषबाट रकमान्तर गरेर भएपनि नियन्त्रणका लागि लाग्नुपर्ने बताउनु भयो । 

उहाँले भन्नुभयो – ‘विपन्न र गरिब जनताहरु, ति किसानहरुले ति पशु चौपायाबाट ३७ अर्ब बराबरको क्षति भएको छ । यस्तो विकराल स्थिति हुँदाखेरी पनि सरकारले यसलाई जसरी गम्भिरताका साथ लिनुपथ्र्यो र जुन तदारुकता देखाउनुपथ्र्यो । जुन ढंगले उपचारको काममा लाग्नुपथ्र्यो, खोपहरु जसरी प्रभावकारी ढंगले वितरण गर्नुपथ्र्यो सरकारले यसमा उदासिनता देखाएको कारणले किसानहरुले ३७ अर्ब बढीको क्षति व्यहोर्नुपर्ने अवस्था सिर्जना भएको छ । सरकारले समयमै सजगता अपनाएको भए यो क्षति बेहोर्नुपर्ने अवस्था थिएन । जम्मा २ लाख २२ हजार पशुलाई खोप लगाएको छ । खोप अत्यन्त अपर्याप्त छ । लगाउने गति पनि साह्रै सुस्त छ । गाउँमा जुन ढंगले प्राविधिकहरु पठाउनुपथ्र्यो सरकारले प्राविधिकहरु पठाएको छैन । खोप आवश्यक मात्रामा पठाएको छैन । औषधि र मल्हमपट्टी पठाउने काम गरेको छैन । यसतर्फ सरकारको गम्भिरतापूर्वक ध्यानाकर्षण गराउन चाहन्छु ।’

लम्पिस्किन रोगसचेतक पदम गिरी

प्रकाशित मिति: शुक्रबार, असार २९, २०८०, ४:२४ बेलुका

लेखक: समाचारपाटी