हाल मनसुनको न्यून चापीय रेखा (Axis of the Monsoon Trough) सरदर स्थानको उत्तरतिर अवस्थित छ। साथै बंगालको खाडीको उत्तर-पूर्वी भागमा न्यून चापीय प्रणाली विकसित भइरहेको छ । देशको पहाडी भू-भागमा आंशिक देखि सामान्य बदली रहेको छ।

जल तथा मौसम विज्ञान विभाग, मौसम पूर्वानुमान महाशाखाकानुसार आज दिउँसो देशभर आंशिक  देखि  सामान्य बदली रहनेछ। कोशी, मधेश, बागमती र गण्डकी प्रदेशका थोरै स्थानहरुमा हल्का देखि मध्यम वर्षाको र बाँकी भू-भागका एक वा दुई स्थानमा हल्का वर्षाको सम्भावना रहेको छ। 

रातीमा देशभर आंशिक देखि सामान्य बदली रहनेछ। कोशी,  मधेश  र  गण्डकी  प्रदेशको  थोरै  स्थानहरूमा  हल्का देखि मध्यम वर्षाको र देशका बाँकी भू-भागको एक-दुई स्थानमा हल्का वर्षाको सम्भावना रहेको छ।

मौसम पूर्वानुमान महाशाखामौसम विज्ञान विभाग

प्रकाशित मिति: शुक्रबार, भदौ १५, २०८०, ७:५६ बिहान

लेखक: समाचारपाटी