काठमाडौं । अमेरिकी राष्ट्रपति जो बाइडेनले सन् २०२४ मा हुने राष्ट्रपति निर्वाचनमा पुनः उम्मेदवारी दिने घोषणा गर्नुभएकाे छ । बाइडेनले मंगलबार एक भिडियो सार्वजनिक गर्दै राष्ट्रपतिको उम्मेदवारका लागि औपचारिक अभियान सुरु गर्नुभएकाे छ । डेमोक्र्याटले बाइडेनले दोश्रो कार्यकालका लागि दावी गर्ने संकेत गर्दै आइरहेको थियो ।

बाइडेनले स्वतन्त्रता र अधिकार खतरामा रहेको परेको भन्दै उहाँले भन्नुभयाे, ‘यो सन्तुष्ट हुने समय होइन, त्यसैले म दौडिरहेको छु ।’ ८० वर्षीय बाइडेन अमेरिकी इतिहासकै सबैभन्दा वृद्ध राष्ट्रपति हुनुहुन्छ । सन् २०२४ मा हुने चुनाव जितेमा २०२९ मा दोस्रो पूर्ण कार्यकालपछि उहाँ ८६ वर्षकाे हुनुहुछनेछ ।

‘अमेरिकी भावनाको पुनर्स्थापन’ गर्ने वाचा गर्नुभएका उहाँले सन् २०२० को चुनावमा रिपब्लिकन उम्मेदवार डोनाल्ड ट्रम्पलाई हराउनुभएकाे थियाे । ‘जब म चार वर्षअघि राष्ट्रपतिको लागि दौडेको थिएँ, मैले भनें कि हामी अमेरिकी भावनाको लडाइँमा छौं, र हामी अझै पनि छौं,’ बाइडेनले तीन मिनेटको भिडियोमा भन्नुभयाे ।

डेमोक्र्याटिक उम्मेदवारीका लागि उहाँसँग अहिलेसम्म कुनै प्रमुख प्रतिद्वन्द्वी छैनन् अर्थात् पार्टीमा उहाँको उम्मेदवारीको सहज बाटो निश्चित छ । तर पनि उमेरका कारण उनी राष्ट्रपतिमा दोहोरिनु हुन्न भन्ने मत भने डेमोक्र्याटिक भित्रै रहेको बीबीसीले जनाएको छ ।

बीबीसी

अमेरिकाघोषणा

प्रकाशित मिति: मङ्लबार, बैशाख १२, २०८०, ५:३९ बेलुका

लेखक: समाचारपाटी