अमेरिकी राष्ट्रपति डोनाल्ड ट्रम्पले अधिकांश क्यानेडियाली उत्पादनहरूमा २५ प्रतिशत कर लगाएपछि क्यानडाले अमेरिकी आयातमा प्रतिशोधात्मक कर घोषणा गरेको छ । क्यानडाका प्रधानमन्त्री जस्टिन ट्रुडोले मन्त्रिपरिषद् बैठकको अध्यक्षता र प्रान्तीय र क्षेत्रीय प्रधानमन्त्रीहरूसँग भर्चुअल बैठक आयोजना गरेपछि मंगलवारदेखि ३० अर्ब क्यानेडियन डलर (२१ अर्ब अमेरिकी डलर) मूल्यका अमेरिकी सामानहरूमा २५ प्रतिशत कर लगाउने बताउनु भयो । ट्रुडोले २१ दिनमा थप १२५ अर्ब क्यानेडियन डलर मूल्यका सामानहरूमा कर लागू हुने बताउनु भयो । अमेरिकी बियर, वाइन र स्पिरिटहरू, तरकारी, कपडा, जुत्ता र अत्तरसँगै, पहिलो वस्तुहरू, साथै घरेलु उपकरणहरू, फर्निचर र खेलकुद उपकरणहरू हुने बताउनु भयो । ट्रुडोले थप गैर–कर व्यापार कार्यहरू अझै निर्णय गर्न बाँकी रहेको तर संयुक्त राज्य अमेरिकामा महत्वपूर्ण खनिज र ऊर्जा उत्पादनहरू निर्यातमा प्रतिवन्ध र अमेरिकी कम्पनीहरूलाई सरकारी सम्झौताहरूमा ल्याउनबाट रोक्ने कदम समावेश हुने चेतावनी दिनुभयो । 
सिन्ह्वा

क्यानडाचेतावनीडोनाल्ड ट्रम्प

प्रकाशित मिति: सोमवार, माघ २१, २०८१, ६:०२ बेलुका

लेखक: समाचारपाटी