उपप्रधानमन्त्री एवं शहरी विकासमन्त्री प्रकाशमान सिंहले मुलुकको विकासका लागि अधिकारसँगै सबैले आ–आफ्नो जिम्मेवारी बहन गर्नुपर्ने बताउनुभएको छ ।

शुक्रवार नेपाल उद्योग वाणिज्य संघ काठमाडौंको चौथो साधारण सभालाई सम्बोधन गर्दै उहाँले यस्तो बताउनुभएको हो । उहाँले समाजमा युवाहरु नेपाला बस्न नचाहेको भन्ने गलत भाष्य निर्माण गर्न खोजिएको बताउनु भयो । उहाँले युवा पलायन रोक्न जिम्मेवारी नलिने तर समाजमा भ्रम सिर्जना गर्नेहरुबाट सचेत हुनुपर्ने बताउनु भयो । उहाँले अधिकारको कुरा ठूलोठस्लो स्वरले उठाउने तर जिम्मेवारीको कुरा आउँदा सबै पछि हट्ने प्रवृत्तिको कारण समाज अगाडि बढ्न नसकेको बताउनु भयो । 

उहाँले भन्नुभयो, ‘अब हामीहरुले या भएन, यसो भैदिए हुन्थ्यो भन्ने जुन तपाईहरुको राय र सुझाव छ । त्यो सुझाव कार्यान्वयन गर्नेतिर नेपाल सरकार लाग्ने नै छ भन्नेकुरा विश्वास दिलाउन चाहन्छौं । खास गरेर अहिले एउटा न्यारेसन के छ भन्दाखेरि नेपालमा कोही युवाहरु बस्नै चाहँदैनन् भन्ने छ । यसरि युवाहरु नेपालमा बस्न चाहिरहेका छैनन् भनेर भाष्य निर्माण गर्नेहरुको त काम सकियो । तर यस समस्याको समाधान गर्नको लागि सबैले जिम्मेवार भएर गर्न सक्नुप¥यो नि । अधिकारको कुरा ठूलठूलो श्वरले उठाउने तर जिम्मेवारीको कुरा आउँदाखेरि सबै पछिपछि हट्ने अनि कहाँबाट समाज अगाडि बढ्छ ? मुख्यकुरा के हो भन्दा अधिकारको कुरासँगसँगै जिम्मेवारी बहन गर्नुपर्छ भन्ने कुरा राख्न चाहन्छु ।’

मुलुकको विकासका लागि सबैले हातेमालो गर्दै अघि बढ्नुपर्नेमा उहाँको जोड छ ।

—न्युज एजेन्सी नेपाल

शहरी विकासमन्त्री प्रकाशमान सिंह

प्रकाशित मिति: शनिबार, पुस २७, २०८१, ६:०८ बिहान

लेखक: समाचारपाटी