संयुक्त राष्ट्रसंघको ७८ औं महासभाको अधिवेशन शुरु भएको छ । मंगलवार ७८ औं महासभाका अध्यक्ष डेनिस फ्रान्सिसले महासभाको अधिवेशन उद्घाटन गर्नुभएको हो । संयुक्त राष्ट्रसंघका महासचिव एन्टोनियो गुटेरेसको तर्फबाट उपप्रमुख अमिना मोहम्मदले उहाँको मन्तव्य अधिवेशनमा पढेर सुनाउनुभएको थियो । उहाँले यो निराशाको नभइ काम गर्नुपर्ने क्षण भएको बताउनु भयो । शान्ति र मानव अधिकारको लागि कार्य, दिगो विकास लक्ष्य, जलवायु परिवर्तनका कारण आएको खतरालाई सम्बोधन गर्नुपर्ने बताउनु भयो । उत्पादनशील रोजगारी सिर्जना, महिला र युवाहरुका लागि रोजगारीको अवसरमा आवश्यक जोड दिनुपर्ने बताउनु भयो ।

फ्रान्सिसले महासभाको नयाँ शैक्षिक सत्र विश्वको डरलाग्दो अवस्थाका बीचमा शुरु भएको र धेरै चुनौतिहरु रहेको बताउनु भयो । अहिले भइरहेका विश्वव्यापी समस्या समाधानका लागि काम गर्न आवश्यक रहेको बताउनु भयो ।

उहाँले विश्वव्यापी सहयोग र साझा प्रतिवद्धतामा नविकरण गरी वातावरणलाई जीवन्त बनाउन सबै लाग्नुपर्ने बताउनु भयो ।

संयुक्त राष्ट्रसंघ

प्रकाशित मिति: बिहिबार, भदौ २१, २०८०, १०:२४ बिहान

लेखक: समाचारपाटी