काठमाडौं । नेपाली राष्ट्रिय महिला फुटबल टोलीलाई एक वर्षका लागि युनिलिभर नेपाल लिमिटेडले प्रायोजन गरेको छ ।
अखिल नेपाल फुटबल संघ (एन्फा) र युनिलिभरले मंगलवार एक कार्यक्रमकाबीच नेपाली महिला फुटबल टोलीका लागि एक वर्षको प्रायोजन सम्बन्धि सम्झौता गरेका हुन् । एन्फाका अध्यक्ष पंकजविक्रम नेम्वाङ र युनिलिभर नेपाल लिमिटेडका म्यानेजिङ डाइरेक्टर अमलान मुखर्जीले उक्त सम्झौतापत्रमा हस्ताक्षर गर्नुभएको थियो । सम्झौताअनुसार युनिलिभरले वार्षिक २५ लाख रुपैयाँ महिला फुटबल टोलीलाई प्रदान गर्नेछ । सो अवसरमा युवा तथा खेलकुदमन्त्री डिगबहादुर लिम्बूले समित श्रोत र साधनका बीच पनि नेपाली खेलाडीले देशका लागि धेरै सफलता दिलाएको उल्लेख गर्दै उनीहरूको प्रंसशा गर्नुभयो । उहाँले खेलकुद क्षेत्रको विकास र बिस्तारका लागि सरकार लागिपरेको बताउनु भयो । 

कार्यक्रममा नेपाली महिला फुटबल टोलीकी गोलकिपर तथा कप्तान एञ्जिला तुम्बाप्पो सुब्बाले यस किसिमको प्रायोजनले नेपाली महिला फुटबललाई हौसला बढाउने विश्वास व्यक्त गर्नुभयो । साथै उहाँले पुरुषलाई जस्तै महिला फुटबल टोलीलाई पनि हौसला बढाउने प्रयत्न एन्फा र युनिलिभरले गरेकोमा धन्यवाद दिनुभयो । 

कार्यक्रममा एन्फाका अध्यक्ष नेम्वाङले महिला फुटबल विकासमा सहयोग पु¥याउने उद्देश्यअनुरूप युनिलिभरको सहयोग रहेको बताउनु भयो । उहाँले आगामी दिनमा पनि खेलक्ुद क्षेत्रको विकास गर्नका लागि एन्फाले रचनात्मक कार्यत्रमm गर्दै जाने बताउनु भयो । 

कार्यक्रममा युनिलिभर नेपाल लिमिटेडका डाइरेक्टर अमलान मुखर्जीले सन् २०२७ को महिला विश्वकप खेल्ने नेपालको लक्ष्यमा यो प्रायोजनले सहयोग पुग्ने विश्वास व्यक्त गर्नुभयो । यसै हप्ता मात्र बंगलादेशसँगको मैत्रीपूर्ण फुटबल सिरिजमा जितेको नेपाली महिला फुटबल टोली आगामी सेप्टेम्बर २३ देखि चीनमा शुरु हुने १९औं एसियाडको तयारी गर्दैछ ।

नेपाली राष्ट्रिय महिला फुटबल टोली

प्रकाशित मिति: मङ्लबार, साउन २, २०८०, ५:५१ बेलुका

लेखक: समाचारपाटी