काठमाडौं I नेकपा एमालेको सचिवालय बैठकले सरकारको हालको काम पर्याप्त नभएको निष्कर्ष निकालेको छ। केन्द्रीय मुख्यालय च्यासलमा बसेको ४३ औं सचिवालय बैठकले सरकारलाई अझ प्रभावकारी रूपमा अघि बढ्न सुझाव दिएको हो।

बैठकपछि उपमहासचिव प्रदीपकुमार ज्ञवालीले भने, "अहिले गरिरहेको काम पर्याप्त छैन। सरकारले अझ बढी प्रयास गरोस् र कामलाई तीव्रता दिओस्। दुई वटा दल र अन्य शक्तिहरू मिलेर बनेको शक्तिशाली सरकारले अझ प्रभावकारी डेलिभरी गर्नुपर्छ।"

यद्यपि, एमालेले सरकारका ६ महिनाको कार्यकालमा उल्लेखनीय काम भएको समेत स्वीकृति दिएको छ। बैठकमा हालसम्म भएका उपलब्धिहरूको समीक्षा गर्दै आगामी दिनमा थप प्रगतिको अपेक्षा गरिएको छ।

गति बढाउन सुझावनेकपा एमालेको सचिवालय बैठकसरकारको काम पर्याप्त

प्रकाशित मिति: बिहिबार, पुस १८, २०८१, ४:४४ बेलुका

लेखक: समाचारपाटी