काठमाडौं I जनकपुर बोल्ट्स क्रिकेट टिमका समर्थकलाई कुटपिट गरेको आरोपमा दुई जना पक्राउ परेका छन्।

जिल्ला प्रहरी परिसर काठमाडौंका अनुसार पक्राउ परेकाहरू गणेश साउद र अशोक साउद हुन्। उनीहरूले गत शनिबार एनपीएल फाइनलका दौरान जनकपुर बोल्ट्सका समर्थक अमनकुमार सिंहमाथि कुटपिट गरेको आरोप छ।

प्रहरीका एक अधिकारीका अनुसार घटना क्रिकेट म्याचपछि भएको भनिएको छ। अमनकुमार सिंहमाथि कुटपिट हुनुको कारणबारे अनुसन्धान भइरहेको प्रहरीले जनाएको छ।

दुवै अभियुक्तलाई हिरासतमा राखेर थप अनुसन्धान भइरहेको छ। घटनाबारे थप विवरण आउन बाँकी छ।

जनकपुर बोल्ट्स

प्रकाशित मिति: सोमवार, पुस ८, २०८१, १:३५ बेलुका

लेखक: समाचारपाटी