टर्किएको मध्य कायसेरी प्रान्तको कोकासिनान जिल्लामा रहेको उच्च गतिको रेल निर्माण स्थलमा ढुङ्गा खस्दा एक कामदारको मृत्यु भएको छ भने अर्का एक घाइते भएको प्रान्तीय गभर्नर गोकमेन सिसेकले बताउनुभएको छ । सिसेका अनुसार दुर्घटनाको समयमा सात कामदारहरू उपस्थित थिए । एउटा उत्खनन यन्त्र घटनास्थलमा सञ्चालन भइरहेको थियो । माथिबाट ठूला ढुङ्गाहरू खस्दा पाँच कामदारहरू भाग्न सफल भए भने एक जनालाई सिधै ठोक्किएर मृत्यु भएको गभर्नरले बताउनु भयो । उनले अर्को घाइते कामदारलाई अस्पताल लगिएको उल्लेख गर्नुभयो ।  घटनापछि अधिकारीहरूले आवश्यक सावधानी अपनाएका छन् । विपद् तथा आपत्कालीन व्यवस्थापन प्राधिकरण सहयोगको लागि तुरुन्तै आइपुगेको उल्लेख गर्दै उहाँले यस्तै दुर्घटनाहरू रोक्न थप सुरक्षा उपायहरू लागू गरिने आश्वासन दिनुभएको छ ।
सिन्ह्वा

टर्किएरेल निर्माण स्थल

प्रकाशित मिति: मङ्लबार, फाल्गुन २७, २०८१, ११:४८ बिहान

लेखक: समाचारपाटी