टर्कीका विदेशमन्त्री हकान फिदानले गाजामा भएको आक्रमणमा पश्चिमाहरूको मौनताले अराजकतालाई अनुमोदन गरेको संकेत गरेको बताउनुभएको छ । 

गाजामा इजरायलको आक्रमणमा पश्चिमको मौनता विश्वभरका अन्य अराजक गतिविधिहरूलाई ग्रिन सिग्नल दिनु बराबर रहेको बिहीवार आयोजित पत्रकार सम्मेलनमा बताउनुभएको हो । प्रतिरोधका लागि मस्जिद, अस्पताल र विद्यालयहरूमा बम विष्फोट गरिन्छ भने आफूहरु मौन बस्न नसक्ने उहाँको चेतावनी थियो । टर्कीको विदेश मन्त्रालयले बुधवार इजरायली अधिकारीहरूको आलोचना गर्दै टर्कीका राष्ट्रपति रेसेप तैयप एर्डोगान बिरुद्ध लगाएका आरोप निराधार भएको र गाजाका जनतामाथि हमला गरिरहँदा उनीहरूलाई कानूनको बारेमा कुरा गर्ने अधिकार नरहेको बताउनुभएको थियो । इजरायलले अक्टोबर ७ मा दक्षिणी इजरायलमा हमासको हमलाको बिरुद्धमा बदला लिन गाजामा पूर्ण रूपमा आक्रमण गरिरहेको छ । जसको क्रममा हमास लडाकुहरूले इजरायलमा करिब १ हजार २ सय व्यक्तिको हत्या गरेका थिए र २ सय भन्दा बढी बन्धक बनाएका थिए । 
सिन्ह्वा

टर्कीहकान फिदान

प्रकाशित मिति: शुक्रबार, मंसिर १, २०८०, १:४४ बेलुका

लेखक: समाचारपाटी