टर्कीमा जनवरी–फेब्रुअरीमा १२ प्रतिशत विदेशी पर्यटक वृद्धि भएका छन् । टर्कीको संस्कृति तथा पर्यटन मन्त्रालयले यसबारेमा जानकारी दिएको हो । जनवरीमा आगन्तुकको संख्यामा अघिल्लो वर्षको तुलनामा २ प्रतिशतले सामान्य वृद्धि देखिए पनि फेब्रुअरीमा २२.६८ प्रतिशतले उल्लेख्य वृद्धि भएको मन्त्रालयको तथ्याङ्कले देखाएको छ । विदेशी आगन्तुकहरूको लागि शिर्ष छनोट इस्तानबुल थियो । देशको सबैभन्दा ठूलो शहर सांस्कृतिक र आर्थिक महत्वका लागि प्रख्यात, कुल भ्रमणको ५६.३ प्रतिशत रहेको बताइएको छ । ग्रीस र बुल्गेरियाको सिमानामा रहेको उत्तरपश्चिमी प्रान्त एडिर्ने, कुल भ्रमणको ११.७ प्रतिशतका साथ दोस्रो सबैभन्दा धेरै भ्रमण गरिएको प्रान्तको रूपमा छ । त्यसपछि भूमध्यसागरीय प्रान्त अन्टाल्या ९.७ प्रतिशतको साथ तेस्रो स्थानमा छ । सोही अवधिमा टर्कीले इरानी पर्यटकहरूको सबैभन्दा धेरै आगमन भएको बताएको छ । त्यसपछि रूसी र बुल्गेरियाली  पर्यटकहरु टर्की भ्रमणमा पुगेका छन् ।
सिन्ह्वा

टर्कीविदेशी पर्यटक

प्रकाशित मिति: शनिबार, चैत्र १०, २०८०, ५:१५ बेलुका

लेखक: समाचारपाटी