टर्कीको सबैभन्दा ठूलो शहर इस्तानबुलमा रहेको इटालियन चर्चमा आइतवार भएको सशस्त्र आक्रमणका दुई संदिग्धलाई थुनामा राखिएको टर्कीका गृहमन्त्री अली येर्लिकायाले बताउनुभएको छ । इस्तानबुल प्रहरी विभागले अपराधीहरूलाई पहिचान गरी पक्राउ गरेको बताउनु भयो । आक्रमणकारीहरूले स्थानीय समयअनुसार बिहान ११ः४० बजे शहरको युरोपेली छेउमा रहेको सरियर जिल्लाको सान्ता मारिया चर्चमा हमला गरेका थिए । आक्रमणमा एक व्यक्तिको मृत्यु भएको थियो । यसअघि इस्तानबुलका गभर्नर दाउत गुलले मृतक ५२ वर्षीय टर्की नागरिक भएको बताएका थिए । घटनापछि टर्कीका राष्ट्रपति रेसेप तैयप एर्दोगानले इटालियन चर्चका पादरीसँग फोनमा शोक व्यक्त गर्नुभएको थियो । 
सिन्ह्वा

इस्तानबुलटर्की

प्रकाशित मिति: मङ्लबार, माघ १६, २०८०, ४:२९ बेलुका

लेखक: समाचारपाटी