टर्कीले नविकरणीय उर्जामा जोड दिने बताएको छ । ऊर्जा फोरमको सञ्चालन गर्दै टर्कीले सो जानकारी गराएको हो । इस्तानबुल इनर्जी फोरममा ऊर्जा लक्ष्यहरू र साझा चुनौतीहरूको समाधानहरू छलफल गरिएको छ । साझा भविष्य, साझा लक्ष्य भन्ने नाराका साथ टर्कीको ऊर्जा तथा प्राकृतिक स्रोत मन्त्रालयको आयोजनामा फोरम सञ्चालन भएको हँे ।  कार्यक्रममा हंगेरी, जर्जिया, अजरबैजान, बुल्गेरिया र उज्वेकिस्तानका सरकारी अधिकारीहरुको सहभागिता रहेको थियो । अर्थव्यवस्था, जनसङ्ख्या विस्तार र औद्योगीकरण बढ्दै जाँदा ऊर्जाको आवश्यकता अपरिहार्य रूपमा बढ्दै जाने टर्कीका राष्ट्रपति रिसेप तयिप एर्दोगानले बताउनु भयो ।सबै स्रोतहरू परिचालन गर्नुको विकल्प नरहेको बताउनु भयो । 

एर्दोगानले टर्किए खानी र तेलदेखि वायु र सौर्य ऊर्जासम्म सबै क्षेत्रहरूमा आफ्नो सम्भावनालाई अधिकतम बनाउन प्रतिवद्ध रहेको बताउनु भयो । 
सिन्ह्वा

घोषणानविकरणीय उर्जा

प्रकाशित मिति: आइतवार, मंसिर ९, २०८१, १०:३० बिहान

लेखक: समाचारपाटी