काठमाडौं । नेपालले त्रिकोणात्मक टी-२० आई सिरिजको दोस्रो खेल आज ओमानसँग खेल्दैछ । नेपाल-ओमानको खेल किंस सिटी मैलानमा आज राति पौने ९ बजे हुनेछ । आईसीसी विश्वकप लिग २ खेल्न गएको नेपाली टोलीले क्यानडामा निरन्तर कमजोर प्रदर्शन गरेको छ ।

लिग २ का ४ मध्ये तीनमा हार र एक खेल नतिजाविहीन भएको नेपाल टी-२० सिरिजको पहिलो खेलमा पनि पराजित भयो ।शनिबार राति भएको खेलमा नेपाल क्यानडासँग १४ रनले पराजित भएको थियो । १२४ रनको सामान्य लक्ष्य पछ्याएको नेपाल १९ ओभरमा १०९ रनमा अल आउट भयो । यसअघि भएको लिग- २ मा पनि नेपाल क्यानडासँग १०३ रन र ५ विकेटले पराजित भएको थियो ।

ओमानटी-२० आई सिरिजनेपाल

प्रकाशित मिति: आइतवार, अशोज १३, २०८१, २:०६ बेलुका

लेखक: समाचारपाटी