काठमाडौं । पिएनजीविरुद्ध हङकङमा जारी त्रिकोणात्मक सिरिजको दोस्रो खेलमा नेपालले १९९ रनको बलियो लक्ष्य दिएको छ। नेपालले निर्धारित २० ओभरमा ६ विकेट गुमाएर १९८ रन बनाएको हो। पपुवा न्युगिनीले टस जितेर फिल्डिङ रोजेपछि ब्याटिङको निम्तो पाएको नेपालका लागि ओपनर कुशल भुर्तेल र सन्दीप जोराले अर्धशतक प्रहार गरे ।

नेपालका लागि भुर्तेलले ५९ रन, जोराले ५६ रन, बिनोद भण्डारीले २७ रन, गुलसन झाले १५ रन , लोकेश बमले १४ रन, विवेक यादवले १९ रनको योगदान गरे। गुलसन र विवेश अविजित रहँदा कप्तान रोहित पौडेलले १ रन र आरिफ शेखले ४ रनको मात्र योगदान गर्न सके।

पिएनजीका असाद भालाले २ विकेट र जोन कारिको, नोर्मन भनुआ र नोसेना पोकानाले १र१ विकेट लिए । आजको खेल जितेमा नेपाल सिधै फाइनल प्रवेश गर्नेछ। पहिलो खेलमा बर्षाका कारण हङकङ र नेपालले १र१ अंक बाँडेका छन्। आजै पिएनजी र हङकङबीच पनि खेल हुनेछ। फाइनल खेल बुधबार हुने कार्यतालिका छ ।

त्रिकोणात्मक सिरिजपपुवा न्युगिनी

प्रकाशित मिति: मङ्लबार, फाल्गुन २९, २०८०, ८:४० बिहान

लेखक: समाचारपाटी