काठमाडौं । कैलालीमा एक प्रहरी जवान नै प्रहरी हिरासतमा पुगेका छन् । महिलामाथि आर्थिक लेनदेनका क्रममा दुर्व्यवहार गरेको आरोपमा एक प्रहरी जवान पक्राउ परेर हिरासतमा पुगेका हुन् ।

धनगढीकै चौधरी थरकी महिलासँग रकम लेनदेनको विषयमा विवाद हुँदा बैतडी घर भएका प्रहरी जवान दमनबहादुर विष्टलाई प्रहरीले पक्राउ गरेर थुनामा राखेको हो ।

जिल्ला प्रहरी कार्यालयका प्रवक्ता प्रहरी नायब उपरीक्षक डिएसपी कुलदीप चन्दले सार्वजनिक मुद्दामा प्रहरी जवान विष्टलाई थुनामा राखिएको जानकारी दिए ।

विष्टविरुद्ध महिलाले जाहेरी दर्ता गराएपछि प्रहरीले उनलाई पक्राउ गरेर थप अनुसन्धान गरिरहेको जनाएको छ ।

प्रहरी जवान पक्रामहिलालाई दुर्व्यवहार

प्रकाशित मिति: बिहिबार, पुस ५, २०८०, १२:०६ बेलुका

लेखक: समाचारपाटी