काठमाडौं । काठमाडौं उपत्यकामा दिनप्रतिदिन वायु प्रदूषण बढिरहेको छ । लामो समयदेखि पानी नपरेको र हावा पनि चल्न नसकेको कारण प्रदूषणको मात्रा बढेको हो ।

जल तथा मौसम पूर्वानुमान महाशाखाका अनुसार काठमाडौंमा मौसम धुम्मिएको छ । केही दिनदेखी आकाश नखुलेको र पानी पनि पर्न नसकेको हुदा वायु प्रदूषणको मात्रा अस्वस्थ स्तरमा पुगेको छ ।

वायु गुणस्तर निगरानी गर्ने आईक्यू एअरसूचकका अनुसार काठमाडौं आज विश्वकै दोस्रो बढी प्रदूषित शहरको सूचीमा छ । काठमाडौंमा बिहान ९ बजे आईक्यू एअर सूचकांक एक सय ८४ रहेको छ ।

पहिलोमा भारतको दिल्ली रहेको छ । दिल्लीको सूचकांक दुई सय ३० छ । त्यस्तै तेस्रोमा बङ्गलादेशको ढाका रहेको छ । त्यसपछि पाकिस्तानको लाहोर र कुवेत छन् ।

काठमाडौंप्रदूषितशहर

प्रकाशित मिति: बुधबार, फाल्गुन २८, २०८१, ११:३५ बिहान

लेखक: समाचारपाटी