काठमाडौं । अमेरिकाले भूकम्प प्रभावित टर्की र सिरियामा ८ करोड ५० लाख डलर सहयोग गर्ने घोषणा गरेको छ।

अमेरिकी सरकारको मानवीय सहायता संस्था यूएसएआईडीले भूकम्प प्रभावित क्षेत्रमा राहत तथा उद्धारका लागि यो रकम सहयोग गर्ने घोषणा गरेको बीबीसीले जनाएको छ । यो रकम चिसोबाट जोगाउन तथा खाना, पानी र स्वास्थ्यका लागि खर्च गर्नु पर्नेछ ।

भूकम्प प्रभावित क्षेत्रमा तत्काल खाना र पानीसँगै चिसोबाट जोगाउने उपायको आवश्यकता छ । चिसो र खानेकुराको अभावमा थप मानवीय क्षति हुन सक्ने चेतावनी दिइएको छ । भूकम्प प्रभावित क्षेत्रमा विश्वभरबाट राहत तथा सहयोग पुग्ने क्रम चलिरहेको छ।

प्रकाशित मिति: शनिबार, माघ २८, २०७९, ११:५६ बिहान

लेखक: समाचारपाटी