काठमाडौं । केही दिनयता लगातार घटिरहेको सेयर बजार आज बुधवार भने उच्च अङ्कले बढेको छ । आज सेयर बजार परिसूचक नेप्से ३३.५७ अङ्कले बढेर दुई हजार ८०.३८ विन्दुमा पुगेको छ ।
आज माइक्रोफाइनान्स, व्यापार र म्युचल फन्डबाहेक सबै समूहको सेयर बढ्दा बीमा, जलविद्युत् र होटल तथा पर्यटन समूहको शेयर उच्च अङ्कले बढेको छ ।
नेप्से बढे पनि कारोबार रकम भने घटेको छ । आज दुई सय ६९ वटा कम्पनीका ४७ लाख ७९ हजार कित्ता सेयर एक अर्ब ८० करोड रुपैयाँमा कारोबार भएका छन् । सबैभन्दा धेरै हिमालयन डिस्टिलरी लिमिटेडको १३ करोड २७ लाख रुपैयाँको सेयर किनबेच भएको छ ।