काठमाडौं I सत्ताको नेतृत्व गरिरहेको नेकपा एमालेले संघीय राजधानी काठमाडौंमा आयोजना गरेको शक्ति प्रदर्शनले उपत्यकाको ट्राफिक व्यवस्थापनमा समस्या सिर्जना गरेको छ। शुक्रवार बिहानैदेखि काठमाडौंको दरबारमार्गमा जागरण सभा कार्यक्रमको लागि कार्यकर्ताहरू सडकमै निस्कन थालेपछि सवारी व्यवस्थापन अस्तव्यस्त भएको थियो। यसले सर्वसाधारणको जनजीवनमा कष्टकर स्थिति उत्पन्न गरेको छ।

सामाजिक सञ्जालमा आक्रोश व्यक्त गर्दै नागरिकहरूले सरकार र त्यसको नेतृत्वकर्ता नेकपा एमालेलाई आलोचना गरेका छन्। प्रतिपक्षी राष्ट्रिय स्वतन्त्र पार्टी (रास्वपा)का केन्द्रीय सदस्य गणेश कार्कीले सरकारको नेतृत्वकर्ता केपी शर्मा ओलीको शक्ति प्रदर्शनलाई अस्वीकृत गर्दै अराजकता रोक्न नसकेको आरोप लगाएका छन्।

कार्कीले केपी शर्मा ओलीलाई सुझाव दिँदै भने, "सुरक्षा संयन्त्र र साइरनवाला गाडी प्रयोग गरेर जुलुसमा भाग नगर्नुहोस्। आफै पार्टीका कार्यकर्ताहरूको सुरक्षा घेरामा कार्यक्रमस्थल पुगेर भन्नुहोस्- एउटा पार्टीको भेलाले उपत्यकाको ट्राफिक व्यवस्था नै अस्तव्यस्त गर्दा सरकार के गर्दैछ?"

नेता कार्कीले आफ्नो अनुभव साझा गर्दै थपे, "सरकारको निकम्मा व्यवस्थापनले म लगभग ढिला भएर कार्यक्रमस्थलमा पुगेको हुँ।"

उपत्यकाको ट्राफिक व्यवस्थापनमा समस्या]प्रधानमन्त्रीलाई प्रश्न

प्रकाशित मिति: शुक्रबार, मंसिर ७, २०८१, १:२८ बेलुका

लेखक: समाचारपाटी