दार्चुला । दार्चुलाको व्यास गाउँपालिका १ भोलीनमा हिमपहिरोमा परेर ज्यान गुमाएकाहरुको शव ल्याउन समस्या भएको छ ।

भारतीय सडकमार्गबाट उनीहरुको शव सदरमुकाम खलङ्गा ल्याउने भनिए पनि भारततर्फ सडकमा पहिरो खस्दा समस्या भएको हो ।

गएको मङ्गलवार हिमपहिरोमा परेर बेपत्ता भएका ५ जनामध्ये ३ जनाको शव फेला परेको थियो ।

हिमपहिरोमा परि दार्चुलाको दुहुँ गाउँपालिका वडा नम्बर ४ की ३८ वर्षीया कमला कुँवर, १८ वर्षीय प्रविण कुँवर र डोटीको जोरायल गाउँपालिकाको बुडर बस्ने ४५ वर्षीय नक्की डोमा थापाको मृत्यु भएको थियो ।

यस्तै, हिमपहिरोमा बेपत्ता भएका डोटीको जोरायल गाउँपालिका वडा नम्बर २ बुडरकी २८ वर्षीया इश्वरी थापा र १५ वर्षीया छिमी सामो थापाको अवस्था अझै थाहा हुन सकेको छैन ।

हिमपहिरो

प्रकाशित मिति: शुक्रबार, बैशाख २२, २०८०, १०:५७ बिहान

लेखक: समाचारपाटी