काठमाडौं । नेकपा एमालेका अध्यक्ष केपी शर्मा ओलीले वर्तमान सरकार संकटमा पर्छ जस्तो आफूलाई नलागेको बताउनुभएको छ ।

राष्ट्रपति निर्वाचन र गृहमन्त्री चयनको विषयले सत्ता साझेदार दलहरुबीच खटपट परिरहेका बेला ओलीले यही कारण सरकार संकटमा नपर्ने बताउनुभयो ।

विराटनगर विमानस्थलमा आज पत्रकारहरुको जिज्ञासामा उहाँले, ‘तपाईंहरुले भनेजस्तो सरकार संकटमा पर्छ जस्तो लाग्दैन ’ आफूहरुको शासन प्रणालीमै अस्थिरता रहेको उनले बताउनुभय। त्यसैकारण प्रजातन्त्र प्राप्तिपछिका सरकार पूर्ण कार्यकाल नचलेको उहाँको भनाइ छ ।

राष्ट्रपति निर्वाचनको सन्दर्भमा माओवादी कांग्रेसतिर ढल्किएको भनेर राखिएको जिज्ञासामा ओलीले माओवादीका केही नेताहरुले त्यसरी बोले पनि आफूलाई त्यस्तो नलागेको बताउनुभय।

केपी शर्मा ओली

प्रकाशित मिति: बिहिबार, माघ १९, २०७९, १२:५९ बेलुका

लेखक: समाचारपाटी