काठमाडौं । इजरायल र प्यालेस्टाइनको सीमावर्ती सहर गाजामा शनिबार हमास समूहले गरेको हमलामा मृत्यु हुनेको संख्या १ हजार नाघेको छ ।

अन्तर्राष्ट्रिय सञ्चारमाध्यमहरूले जनाएअनुसार इजरायली उद्धारकर्मीले गाजाको दक्षिणी भागमा रहेको रेइमनजिक आयोजना भएको सुपरनोभा फेस्टिभलस्थलबाट एकैपटक दुई सय ६० शव निकालेका छन् । योसँगै मृत्यु हुनेको संख्या एक हजार नाघेको बताइएको हो ।

शव संकलन गर्ने काम अझै बाँकी रहेकाले मृतकको संख्या अझै बढ्ने आशंका गरिएको छ । शुक्रबार राति अबेरसम्म महोत्सवमा नाचगान गरेर रमाइलो गरिरहेकाहरूमाथि शनिबार बिहानै हमासका लडाकुले आक्रमण गरेका थिए ।

इजरायलमा मृत्यु हुनेको संख्या १ हजार नाघ्यो

प्रकाशित मिति: सोमवार, अशोज २२, २०८०, २:५२ बेलुका

लेखक: समाचारपाटी