थाइल्याण्डको राजधानी बैंककको एक होटलमा आगलागी हुँदा तीन जनाको मृत्यु हुनुका साथै अन्य सात जना घाइते भएको स्थानीय दमकल विभागले जनाएको छ । सोमवार बैंककको लोकप्रिय ब्याकप्याकर क्षेत्र खाओ सान रोड नजिक रहेको ६ तले होटलमा राति करिव ९ः२१ बजे आगलागी भएको हो । पाँचौं तल्लाको कोठाबाट शुरु भएको आगलागीबाट एक विदेशी महिलाको तत्काल मृत्यु भएको थियो । घाइते दुई विदेशीको पछि अस्पतालमा मृत्यु भएको बताइएको छ । सात जना घाइतेमध्ये दुई जना थाई पुरुष र पाँच विदेशी रहेको स्थानीय दमकल विभागले जनाएको छ । होटललाई सुरक्षा निरीक्षणका लागि बन्द गर्न आदेश दिइएको छ । आगलागीको कारणबारे अनुसन्धान भइरहेको छ ।
सिन्ह्वा

थाइल्याण्डमृत्यु

प्रकाशित मिति: मङ्लबार, पुस १६, २०८१, ३:४७ बेलुका

लेखक: समाचारपाटी