टि २० आई सिरिजमा नेदरल्याण्डसँग नामिबिया स्तब्ध भएको छ । बिहीवार कीर्तिपुर मैदानमा भएको खेलमा नामिबिया नेदरल्याण्डसँग ५९ रनले पारजित भएको हो । माइकल लेभिटको उत्कृष्ट शतकमा नेदरल्याण्डले नामिबियालाई पराजित गरेको हो । जितको लागि २४८ रनको लक्ष्य पछ्याएको नामिबिया २० ओभरमा ७ विकेट गुमाउँदै १८८ रनमा समेटियो । नामिबियाका लागि जान फ्रेलिंकले सर्वाधिक ४२ रन बनाए भने जेन ग्रिनले ४२ रन बनाए । जेपी कोट्जीले २६, जेजे स्मिथ र रुबेन ट्रम्पलम्यानले समान १९÷१९ रन बनाए । नेदरल्याण्डका लागि टिम भान डर गुग्टेनले २, भिभियन किंग्मा, फर्द क्लासेन, आर्यन दत्त, साइब्रान्ड एंगलब्रेक्ट र रोलेफ भान डर मर्वे १–१ विकेट लिए । नेदरल्याण्डबाट ओपनर माइकल लेभिटले ६२ बलमा ११ चौका र १० छक्कासहित १३५ रनको शतकीय इनिङ खेले । साइब्रान्ड एंगेलब्रेक्टले ७५ रन बनाए भने तेजा निणामानिरु ३ बलमा ३ छक्कासहित १८ रनमा रन आउट भए । नामिबियाका रुबेन ट्रम्पलम्यानले ४ ओभरमा ४६ रन खर्चेर २ विकेट लिए । बेन सिकोंगो र जान फ्रेलिंकले १–१ विकेट लिए । शुक्रवार नेपालले नामिबियाको सामना गर्नेछ । यसअघिको खेलमा नेपाल नामिबियासँग २० रनले पराजित भएको थियो ।

—न्युज एजेन्सी नेपाल

कीर्तिपुर मैदाननेदरल्याण्ड

प्रकाशित मिति: बिहिबार, फाल्गुन १७, २०८०, ५:११ बेलुका

लेखक: समाचारपाटी