सरकारी बल र पूर्व शासनका सशस्त्र अवशेषहरू बीचको हिंसात्मक झडपपछि सिरियाली सुरक्षा बलहरू तटीय शहर जाब्लेहमा प्रवेश गरेका छन् । जुन यस क्षेत्रलाई स्थिर बनाउने प्रयासमा एक महत्वपूर्ण कदम मानिएको छ । सिरियाली सुरक्षा बलका एक क्षेत्रीय कमाण्डरले उनीहरूको प्राथमिक लक्ष्य क्षेत्र सुरक्षित गर्नु, नागरिकहरूको सुरक्षा गर्नु र साम्प्रदायिक तनाव रोक्नु रहेको बताउनु भयो । सिरियाको तटीय क्षेत्रको ऐतिहासिक रूपमा रणनीतिक शहर जाब्लेह भारी लडाईंका कारण हालका दिनहरूमा क्षत विक्षत छ । सिरियाली तटीय क्षेत्रमा जारी द्वन्द्वबाट मृत्यु हुनेको संख्या १ हजार १८ पुगेको छ । गत हप्ताको सुरुमा सरकारी सेना विरुद्ध अपदस्थ बशर अल–असद सरकारका अवशेषहरूले गरेका श्रृंखलावद्ध आक्रमणहरूपछि नयाँ प्रशासनसँग सम्बन्धित अर्धसैनिक समूहहरू प्रतिशोधात्मक हत्यामा संलग्न भएको अब्जर्भेटरीले जनाएको छ । आक्रमणमा १६ सुरक्षाकर्मी मारिएका थिए । 
सिन्ह्वा

सिरियाली सुरक्षा बल

प्रकाशित मिति: सोमवार, फाल्गुन २६, २०८१, १२:२१ बेलुका

लेखक: समाचारपाटी