इजिप्टका विदेश मन्त्री बद्र अब्देलाट्टी र अमेरिकी विदेशमन्त्री एन्टोनी ब्लिन्केनले सिरियामा हालैका घटनाक्रमका बारेम छलफल गर्नुभएको छ । दुवै पक्षले सिरियामा स्थायित्व पुनःस्थापनाको लागि बाटो प्रशस्त गर्नका लागि कुनैपनि सिरियाली राष्ट्रिय घटक वा दलहरूलाई बहिष्कृत नगर्ने वृहत राजनीतिक प्रक्रिया अपनाउने महत्वमा जोड दिनुभयो । अब्देलाट्टीले सिरियाको सार्वभौमिकता, एकता र भूमि सुरक्षाको लागि इजिप्टको समर्थनलाई पुष्टि गर्नुभयो । इजिप्टले गोलान हाइट्स र अन्य छिमेकी स्थानहरूमा डिसैनिकीकृत बफर जोनको नियन्त्रणलाई इजिप्टले अस्वीकार गरेकोमा जोड दिएको छ । साथै यसलाई सिरियाली क्षेत्रहरूको कब्जा र अन्तर्राष्ट्रिय कानूनको स्पष्ट उल्लङ्घन भएको बताएको छ । अन्तर्राष्ट्रिय समुदायलाई सिरियामा कुनैपनि आक्रमण रोक्न आफ्नो जिम्मेवारी लिन आग्रह गर्नुभयो । आफ्नो पक्षबाट ब्लिन्केनले सिरियाली जनताको राम्रो भविष्य निर्माण गर्ने ऐतिहासिक अवसरमा जोड दिनुभयो । सिरियाली विद्रोही समूहहरूले गरेको व्यापक आक्रमणपछि आईतवार आफ्नो सरकार ढलेपछि सिरियाली राष्ट्रपति बसर अल–असद राजीनामा दिएर र शरण लिन रुस पुगेका छन् ।
सिन्ह्वा

इजिप्टसिरिया

प्रकाशित मिति: बिहिबार, मंसिर २७, २०८१, १:५८ बेलुका

लेखक: समाचारपाटी