स्याङ्गजा जिल्ला क्षेत्र न १ काे प्रतिनिधि सभा सदस्यमा नेपाली काँग्रेसका उम्मेदवार राजु थापा निर्वाचित हुनुभएकाे छ ।
आज सकिएको मतगणना अनुसार प्रतिनिधि सभा सदस्य थापाले ३१ हजार ९ सय मत प्राप्त गर्नुभएकाे छ । थापाका प्रतिस्पर्धी नेकपा एमालेका उम्मेदवार नारायण प्रसाद मरासिनीले २८ हजार ७ सय मत प्राप्त भर्नुभएकाे छ ।
एमालेका उम्मेदवार मरासिनीलाई ३ हजार २ सय ५५ मतान्तरले पराजित गर्दै काँग्रेसका उम्मेदवार थापा विजयी हुनुभएकाे हाे ।
काँग्रेसका राजु थापा संविधानसभा सदस्य हुनुहुन्छ । २०७० को प्रतिनिधिसभा निर्वाचनमा स्याङ्जा १ बाट मरासिनीलाई पराजित गर्दै संसदीय यात्रा थापाले सुरु गर्नुभएकाे थियाे ।
२०७४ को निर्वाचनमा पनि राजु थापा र नारायण मरासिनीकाे आमनेसामने भयाे । पालोको पैँचो तिर्दै थापालाई हराएर मरासिनी विजयी हुनुभएकाे थियाे । मरासिनी र थापा यसपटकको प्रतिनिधिसभा निर्वाचनमा पनि लगातार तेस्रोपटक प्रतिस्पर्धी हुनुभएकाे हाे । यसपटक भने मरासिनीले जित हाँसिल गर्न सक्नुभएन । ७० हजार ९ सय १३ मतमा २ हजार ३ सय १९ मत बदर भएको थियो ।