स्वेज नहरको नयाँ लेनमा परीक्षण सफलतापूर्वक सम्पन्न भएको छ । जहाजहरू नहरको दक्षिणी खण्डको १० किलोमिटर खण्डमा दुवै दिशामा जान सक्षम हुने बताइएको छ । स्वेज नहर प्राधिकरण (एससीए) ले ड्रेजिङको काम सकिएपछि दुईवटा जहाजले नयाँ च्यानल प्रयोग गरेको बताएको छ । एससीएका अध्यक्ष ओसामा रबीले परियोजनालाई प्रमुख गुणात्मक छलांगको रुपमा िचत्रण गर्नुभएको छ । जसले नहरको क्षमता र दक्षतामा उल्लेखनीय सुधार गर्नेछ । एससीए अध्यक्षले लेनले जहाजहरूलाई बलियो धारा र मौसम अवस्था नेभिगेट गर्न मद्दत गर्ने बताउनु भयो । इजिप्टका राष्ट्रपति अब्देल–फत्ताह अल–सिसीले क्षेत्रीय मुद्दाका कारण २०२४ मा स्वेज नहरको राजश्व ६० प्रतिशतभन्दा बढीले घटेको छ । लाल सागर र बाब अल मन्डब स्ट्रेटमा समस्याका कारण इजिप्टले करिब ७ अर्ब अमेरिकी डलर राजश्व गुमाएको अल–सिसीले बताउनु भयो । राजश्व घटे पनि इजिप्टका राष्ट्रपतिले एससीएलाई नहरको प्रवद्र्धन र विकास जारी राख्न निर्देशन दिएका छन् । 
सिन्ह्वा

दक्षिणी खण्डस्वेज नहर

प्रकाशित मिति: आइतवार, पुस १४, २०८१, ११:४५ बिहान

लेखक: समाचारपाटी