काठमाडौं l त्रिभुवन विश्वविद्यालयको आंगिक क्याम्पसहरु अन्तर्गत काठमाडौं उपत्यकाको ११ वटा क्याम्पसमा स्वतन्त्र विद्यार्थी युनियन स्ववियुको नयाँ नेतृत्व चयन गर्न मतदान भइरहेको छ ।क्याम्पसहरूमा बिहान ८ बजेदेखि मतदान जारी रहेको छ । सम्बन्धित क्याम्पसका प्रमुखहरुका अनुसार शान्तिपूर्ण रुपमा मतदान जारी रहेको छ । महाराजगञ्ज चिकित्सा क्याम्पसमा ४०० भन्दा बढी मत खसेको छ । क्याम्पस प्रमुख डा सुरेश उप्रेका अनुसार ‘शान्तिपूर्ण रुपमा मतदान भइरहेको छ।

सानोठिमी क्याम्पसमा साँढे १० देखि मतदान सुरु भएको छ । केही प्राविधिक समस्याका कारण निर्वाचन ढिला गरी सुरु भएको निर्वाचन आचारसंहिता प्रमुख जगतकृष्ण पोखरेलले बताएका छन् । ‘उनका अनुसार सानोठिमीमा १४५६ जना मतदाता रहेका छन् ।

काठमाडौं भोटाहिटीस्थित ललितकला क्याम्पसमा पनि स्ववियु चुनाव जारी छ । पूर्वक्याम्पस प्रमुख रमेश पोखरेलका अनुसार क्याम्पसमा ५२३ जना मतदाता रहेका छन् ।

महेन्द्ररत्न क्याम्पस ताहाचलमा पनि स्ववियु चुनावको मतदान धमाधम भइरहेको छ । क्याम्पस प्रमुख गेहेन्द्रप्रसाद दाहालका अनुसार मतदान शान्तिपूर्ण वातवरणमा भइरहेको छ । कुल विद्यार्थ ३५ सय भए पनि १६१५ जनाले भर्ना गरेर कार्ड लिएकाहरुले मतदान गर्देछन् । 

पाटन संयुक्त क्याम्पसमा १०० मत खसेपछि चुनाव रोकिएको छ । मतदाता कार्डमा विवाद भएपछि चुनाव रोकिएको क्याम्पसका सहायक क्याम्पस प्रमुख कृष्ण बिकेले बताए । ‘

उपत्यकामा चुनाव भएका क्याम्पसहरुको नामावली यसप्रकार रहेको छ -

थापाथली इन्जिनयरिङ क्याम्पस

पुल्चोक इन्जिनयरिङ क्याम्पस

नेपाल कमर्श क्याम्पस

आयुर्वेद क्याम्पस

महेन्द्ररत्न क्याम्पस ताहाचल

ललितकला क्याम्पस

भक्तपुर बहुमुखी क्याम्पस

सानोठिमी क्याम्पस

महारजगन्ज नर्सिङ क्याम्पस

महारजगन्ज चिकित्सा क्याम्पस

जनप्रशासन क्याम्पस

पाटन संयुक्त क्याम्पस

त्रिभुवन विश्वविद्यालयका अनुसार ४५ वटा आंगिक क्याम्पसमा मतदान भइरहेको छ । त्रिविका शिक्षाध्यक्ष प्राडा खड्ग केसीका अनुसार चुनाव हुन बाँकी क्याम्पसमा सहमतिको प्रयास जारी रहेको छ ।त्रिविको ६४ वटा अंगिक क्याम्पस र १ हजार ५३ वटा सम्बन्धन प्राप्त क्याम्पस रहेका छन् ।

नेतृत्वमतदानस्ववियु

प्रकाशित मिति: मङ्लबार, चैत्र ४, २०८१, १:३० बेलुका

लेखक: समाचारपाटी