पोखरा । पोखरामा पारा खेलकुद चैत्र ७ र १० गते हुने भएको छ । प्रदेश खेलकुद परिषद गण्डकीको आयोजनामा सञ्चालन हुने पारा खेलकुद अन्तर्गत ९ खेल समावेश गरिएको प्रदेश खेलकुद परिषदका सदस्य एवं प्रतियोगिताका संयोजक अमृत बरालले जानकारी दिनुभएकाे हाे ।

प्रतियोगितामा बहुअपाङ्गता बोसिया खेल, बौद्धिक अपाङ्गता दौड, मनोसामाजिक दौड र म्यूजिकल चियर, अटिजमका लागि सफ्टबल, बहिरा महिला ब्याडमिन्टन, बहिरा पुरुष भलिबल, सारीरिक अपाङ्गता महिला टेनिस, सारिरीक अपाङ्खता पुरुष ह्विल चियर बास्केटबल, दृष्टिविहिनतर्फ महिला र पुरुष क्रिकेट प्रतियोगिता हुने भएको छ ।

पोखरा रंगशालामा सञ्चालन हुने प्रतियोगिताको तयारी पुरा भएको जनाउँदै संयोजक बरालले सबै खेलमा महिला र पुरुष गरी २१७ जना खेलाडीहरुको सहभागिता हुने जनाएका छन् ।

प्रदेश खेलकुद परिषदको वार्षिक कार्यक्रम अन्तर्गत आयोजना हुने प्रतियोगितामा पुरस्कार राशीमा ३ लाख नगद खर्च हुने परिषदका कार्यालय प्रमुख तोपलाल भुसालले जानकारी दिनुभयाे ।

पारा खेलकुदप्रदेश खेलकुद परिषद गण्डकी

प्रकाशित मिति: बुधबार, चैत्र ७, २०८०, ८:२६ बिहान

लेखक: समाचारपाटी