पोखरा । पाँँचौं सृजना कप अन्तर्गत छात्रातर्फ सेमिफाइनल समीकरण पूरा भएको छ । सृजना विकास केन्द्र र कास्की जिल्ला भलिबल संघको संयुक्त आयोजनामा पोखरा रंगशालाको भलिबल कोर्टमा मंगलबारदेखि सुरु प्रतियोगितामा अन्तिम चारको टुंगो लागेको हो ।

बुधबारको खेलमा साविक विजेता शान्ता मावि, जनप्रिय मावि, कन्या मावि र इन्द्रराज्यलक्ष्मी मावि सेमिफाइनल प्रवेश गरेका हुन् । बाइमा परेको साविक विजेता शान्ता माविले पहिलो दिन गोगन हराउँदै विजयी यात्रा सुनिश्चित गरिसकेको थियो ।

दोस्रो दिनको खेलमा इन्द्रराज्यलक्ष्मीले तालवाराहीलाई २५–२० र २५–१७ सेटमा हरायो । जनप्रिय माविले भद्रकालीलाई २५–९ र २५–१२ तथा कन्याले गौरीशंकरलाई २५–१९ र २५–२२ सेटमा पाखा लगाउँदै सेमिफाइनल सुनिश्चित गरेका हुन् । बिहीबार शान्ता र जनप्रियबीच पहिलो र कन्या र इन्द्रराज्यलक्ष्मीबीच दोस्रो सेमीफाइनल हुने रेफ्री संयोजक गोपाल थापाले जनाए । कास्की जिल्ला सामुदायिक विद्यालय छात्रछात्रा भलिबल प्रतियोगिताअन्तर्गत छात्रातर्फ १५ टिमले भाग लिएका हुन् ।

छात्रतर्फ सहभागी ३० टिममध्ये भगवती, भद्रकाली, शान्ता, राष्ट्रिय, मेश्रम वराहले विजयी यात्रा कायम राख्दै क्वारफाइनलमा पुगेका छन् । दोस्रो दिन बुधबारको खेलमा भगवती माविले शारदा माविलाई २५–१७ र २५–११ पराजित गरेको छ । अमरसिद्ध नमुना माविले विन्ध्यवासिनी मावि, वरपाटनलाई २५–२१ र २५–२३ सेटमा पाखा लगायो ।

ब्रम्हरुपा माविले लक्ष्मी माविको चुनौती २५–१० र २५–११ मा पन्छाउँदा चन्द्रप्रभा माविले पार्दीलाई २–१ सेटमा हरायो । चन्द्रप्रभा २५–२१, २२–२५ र २७–२५ सेटमा विजयी भएको हो । शान्ता मावि र कालिका माविबीचको खेलमा कालिकाले जीत निकालेकोमा कालिकाविरुद्ध प्रोटेस्ट परेको थियो । साविक विजेता शान्ता अन्तिम ८ पुगिसकेको छ ।

यस्तै, भद्रकालीले तालवाराहीलाई सोझो सेटमा २५–१९ र २५–१४ मा हरायो । राष्ट्रिय माविले चन्द्रप्रभालाई २५–१९ र २५–१९ पराजित ग¥यो । गोगन माविले सिर्जना माविलाई २५–८ र २५–११ मा पराजित गरेको छ । मेश्रम वराहले अमरसिद्ध नमुना माविलाई २–१ ले हरायो । जसमा २३–२५, २५–१७ र २५–२३ सेट आयो । भगवती माविले अमरसिंह नमुना माविलाई २–१ सेट (२२–२५, २५–१७ र २५–१३) ले हरायो ।

फागुन १९ मा हुने फाइनलमा छात्रछात्रा दुवैतर्फ विजेतालाई १÷१ लाख, उपविजेतालाई ६०÷६० हजार र तृतीय हुने विद्यालयलाई ३५÷३५ हजारसहित शिल्ड, मेडल र प्रमाणपत्र प्रदान गरिने छ । सर्वोत्कृष्ट छात्रछात्रालाई जनही ५ हजार र अन्य ६ विधाका उत्कृष्ट खेलाडीलाई पुरस्कृत गरिनेछ । उत्कृष्ट प्रशिक्षकले ५ हजार पाउने छन् ।

सृजना कपसेमिफाइनल

प्रकाशित मिति: बिहिबार, फाल्गुन १८, २०७९, ८:४८ बिहान

लेखक: समाचारपाटी