काठमाडौं । नेपाली कांग्रेसले बसपार्कमा भएको लुटपाट र तोडफोडको घटनाका दोषीलाई कारबाही गर्न सरकारसँग माग गरेको छ । आजको प्रतिनिधि सभा बैठकमा बोल्ने कांग्रेस नेताहरुले उक्त माग गर्नुभएकाे हाे ।

नेपाली कांग्रेसका प्रवक्ता प्रकाशशरण महतले काठमाडौंको मुटुमै शान्ति सुरक्षाको प्रत्याभूति सरकारले गराउन सक्दैन भने दुरदराजको स्थिति के होला ? भन्दै प्रश्न गर्नुभयाे । उहाँले तत्काल दोषीलाई कारबाही गर्नुपर्ने माग गर्नुभयाे ।

उहाँले वास्तविक मजदुरका जायज माग सम्बोधन गर्दै बसपार्क क्षेत्रमा भइरहेको अराजक गतिविधि र अनियमितता रोक्नुपर्ने बताउनुभयाे । ‘मजदुरको नाममा को त्यहाँ प्रवेश गरेका छन् ? कसले प्रोत्साहित गरेको छ ?’ उहाँले भन्नुभयाे, ‘मजदुरको जायज माग सम्बोधन गर्नुपर्छ ।’ मजदुरको नाममा शक्तिको आडमा अनियमितता भइरहेको छ कि भनेर ध्यान दिनुपर्ने उहाँको भनाइ छ ।

प्रकाशशरण महत

प्रकाशित मिति: बुधबार, फाल्गुन ३, २०७९, १२:३५ बेलुका

लेखक: समाचारपाटी