अरब लिग (एएल) का महासचिव अहमद अबोल घितले राजधानी कायरोमा सोमालियाका राष्ट्रपति हसन शेख मोहमुदसँग भेटवार्ता गर्नुभएको छ । भेटमा घितले सोमालियाको सार्वभौमसत्ता र क्षेत्रीय अखण्डताको रक्षा गर्न आफ्नो समर्थन रहेको दोहोर्याउनु भयो । सोमालिया र इथियोपियाबीचको तनाव बढेको बेला सोमाली राष्ट्रपतिको भ्रमण भएको हो । इथियोपिया र सोमालील्याण्ड, सोमालियाको एक स्व–घोषित क्षेत्र, एक स्वतन्त्र राज्यको रूपमा सोमालील्याण्डको मान्यताको बदलामा इथियोपियालाई लाल सागरमा पहुँच गर्न अनुमति दिने सम्झौतामा हस्ताक्षर गरिएको थियो । सोमालियाले यसलाई आफ्नो क्षेत्रीय अखण्डताको उल्लङ्घन भएको बताएको छ ।

सिन्ह्वा

सार्वभौमसत्तासोमालिया

प्रकाशित मिति: आइतवार, माघ ७, २०८०, ३:२२ बेलुका

लेखक: समाचारपाटी