श्रम, रोजगार तथा सामाजिक सुरक्षामन्त्री शरदसिंह भण्डारीले भारत उत्तर प्रदेशस्थित अयोध्यामा राममन्दिरको प्राण प्रतिष्ठा हुनुलाई नयाँ युगको प्रवेशका रुपमा लिनुपर्ने बताउनुभएको छ । 

सामेवार जनकपुरधामस्थित जानकी मन्दिरमा एक लाख बढी दियो बाल्न कार्यक्रममा सहभागिता जनाउँदै यस्तो बताउनुभएको हो । उहाँले भारत उत्तर प्रदेशस्थित अयोध्यामा राममन्दिरको प्राण प्रतिष्ठालाई विश्वका हिन्दु धर्मालम्बीहरुको लागि ठूलो पर्व भएको बताउनु भयो । उहाँले राम मन्दिरको प्राण प्रतिष्ठाले विश्वभरका भगवान श्रीरामको र सितारामको महिमाको जानकारी पाउने मौका पाएको बताउनु भयो । उहाँले भारत र नेपालबीच रोटीबेटीको सम्बन्ध नेपाली छोरी सीता र रामबीच भएको विवाहबाट शुरुवात भएको भन्दै दुई देशको सम्बन्धलाई कसैले व्याख्या गर्न नसक्ने बताउनु भयो । 

उहाँले भन्नुभयो,‘भारत उत्तर प्रदेशस्थित अयोध्यामा राममन्दिरको प्राण प्रतिष्ठा गरेको दिनलाई नयाँ युगको प्रवेशको रुपमा लिएका छौ । हामी हिन्दु धर्मालम्वीहरुको लागि ठूलो पर्व हो । यसले विश्वभर नै भगवान श्रीरामको र सितारामको महिमाको जानकारी पाउने मौका पाएका छन् । भारत र नेपालबीचको रोटीबेटीको सम्बन्ध भन्छौं । नेपाली छोरी सीता र रामबीच भएको विवाहबाट सम्बन्ध कायम भएको थियो । दुई देशको यो सम्बन्धलाई सकैले ब्याख्या गर्न सक्दैन । भारतको अयोध्यामा राममन्दिरको प्राण प्रतिष्ठाले नेपालमा मात्रै नभएर विश्वमा रामप्रति आस्था राख्नेहरुको लागि ठूलो उत्सवको रुपमा लिएका छन् । गाउँ–गाउँ आन्दोलित र आन्नदित पनि भएका छन् । भारतका प्रधानमन्त्री नेरन्द्र मोदीले जुन अयोध्यामा राममन्दिरको प्राण प्रतिष्ठा गर्ने पहल गरेर विश्वका हिन्दुहरुलाई एउटै मालामा ल्याउन सफल हुनु भएको छ । विश्व भाइचारको लागि पनि आजको दिनले नयाँ विगुल ल्याउने अपेक्षा छ ।’

उहाँले भारतको अयोध्यामा राममन्दिरको प्राण प्रतिष्ठाले नेपालमा मात्रै नभएर विश्वमा रामप्रति आस्था राख्नेहरुले ठूलो उत्सवका रुपमा लिएको बताउनु भयो । उहाँले गाउँघरहरु सबै आन्नदित भएको पनि बताउनु भयो । उहाँले भारतका प्रधानमन्त्री नेरन्द्र मोदीले अयोध्यामा राममन्दिरको प्राण प्रतिष्ठा गर्ने पहल गरेर विश्वका हिन्दुहरुलाई एउटै मालामा ल्याउन सफल भएको दाबी गर्नुभयो ।

न्युज एजेन्सी नेपाल 

सुरक्षामन्त्री शरदसिंह भण्डारी

प्रकाशित मिति: मङ्लबार, माघ ९, २०८०, ३:११ बेलुका

लेखक: समाचारपाटी