काठमाडाैं । गायन रियालिटी शो इण्डियन आइडल सिजन १४ बाट बाहिरिएकी गायिका मेनुका पौडेलले नेपालको सांगीतिक क्षेत्रले आफूलाई अझ बढी मेहनत गर्न सिकाएको बताउनुभएको छ ।

आइतबारको एपिसोडमा शोबाट बाहिरिएको घोषणा भएलगत्तै सोमबार गृहजिल्ला झापा आइपुग्नुभएकी गायिका पौडेलले नेपालले संगीत क्षेत्रमा अझ धेरै मेहनत गर्ने प्रेरणा दिएको बताउनुभयो ।

भारतको रियालिटी शोमा आफू उत्कृष्ट दशमा पुग्नु नै आफ्नो लागि ठूलो सफलता भएको उहाँले बताउनुभयो । आफूले नसोचेको सफलता हात पार्दा धेरै नै खुशी मिलेको बताउँदै उहाँले यस्तो सफलता आफूले बिरलै पाउने बताउनुभयो । बलिउडमा धेरै गीतहरु गाउनका लागि अफर आइरहेको उहाँकाे भनाइ छ ।

गायिका पौडेललाई सोमबार झापामा साहित्य चौतारी तथा सप्तक संगीत विद्यालयले सम्मान तथा अभिनन्दन गरेका थिए । उहाँले २०७४ सालमा नेपाल आइडलमासमेत प्रतिष्पर्धा गर्नु भएको थियो ।

गायन रियालिटी शोगायिका मेनुका पौडेल

प्रकाशित मिति: मङ्लबार, माघ २३, २०८०, १०:१४ बिहान

लेखक: समाचारपाटी