काठमाण्डौं । गायिका उर्मिला लाम्गादेको सुमधुर स्वरमा सजिएको आशिषमय भजन गीत 'मेरो बुवाको घर'को फिमेल भर्सनमा सार्वजनिक भएको छ।  दर्शक स्रोतामाझ लोकप्रिय भैसकेको यस गीतका ओर्जिनल गायक, संगीतकार तथा गीतकार पास्टर रोहित थापा हुनुहुन्छ।

भिडियोमा स्वयम् गायिका लाम्गादे र उहाँको परिवार फिचर्ड छन्।  अमेरिकामा छायाँकन गरिएको यस भिडियोलाई विक्की पुलामीको छायाँकन र निर्देशनमा तयार पारिएको हो।  भिडियोलाई बिष्णु खड्काले सम्पादन गर्नुभएकाे हाे।  भिडियो गायिका लाम्गादेको युट्युव च्यानल 'उर्मिला लाम्गादे' मार्फत सार्वजनिक भएको हो।  

अमेरिकाको  न्युयोर्कमा बसोबास गर्दै आएकी गायिका लाम्गादेको स्वरमा समावेश यसअघि  'जवानी ताजा ताजा छ’,  ‘माया बैगुनी’, 'लिन आउछु भन्थ्यौ' लगायत गीतहरु सार्वजनिक भैसकेका छन् ।  गायन संगै अभिनयमा समेत रुचि राख्ने लाम्गादेले  ‘दलन’ नामक टेलिचलचित्र र चेतनामुलक विज्ञापनहरुमा समेत अभिनय गरिसक्नुभएकाे छ।https://www.youtube.com/watch?v=mhX_1ryETbE

गायिका उर्मिला लाम्गादे

प्रकाशित मिति: मङ्लबार, बैशाख १९, २०८०, १०:४३ बिहान

लेखक: समाचारपाटी