काठमाडौं । लोकप्रिय गीत ‘रिटिङ रिटिङ नबजाउ बिनायो, बिनायोले मन मेरो छिनायो’का गायक तथा गीतकार लक्ष्मीप्रसाद (एलपी) जोशीको ८८ वर्षको उमेरमा निधन भएको छ ।

बिहीवार झापाको विर्तामोडस्थित घरमा उहाँको निधन भएको हो । बेलुकाको खाना खाएपछि उहाँ अकस्मात बेहोस हुनुभएकाे थियाे । दमकस्थित घरबाट अस्पाल लैजानेक्रममा बाटोमै उहाँको निधन भएको परिवारले जनाएको छ । उहाँ लामो समयदेखि मधुमेह रोगबाट पीडित हुनुहुन्थ्याे ।

२०१३ सालमा रेडियो नेपालमा पहिलो गीत रेकर्ड गराएका उहाँले २०२२ देखि २०२९ सालसम्म रेडियो नेपालमा जनकवि केशरी धर्मराज थापासँग काम गर्नुभएकाे थियाे । ‘रिटिङ रिटिङ‘ उहाँको सबैभन्दा हिट गीत हो । ‘वल्लो खोलो हो पल्लो खोलो कमिलाको गोलो‘’ गीतसमेत चर्चित छ । अन्तिम संस्कार शुक्रबार बिहान ११ बजेपछि झापाको कन्काई माइमा हुने जनाइएको छ ।

गीतकार लक्ष्मीप्रसाद जोशीनिधन

प्रकाशित मिति: शुक्रबार, साउन ११, २०८१, ८:४८ बिहान

लेखक: समाचारपाटी