काठमाडौं, । गायक आश्रम गुरुङ र गायिका रुपी सिङ्जाली मगरको स्वरमा रहेको “खाडी छिर्ने हो” गीतको भिडियो सार्वजनिक भएको छ । वैदेशिक रोजगारीको सन्दर्भमा नेपाली समाजमा व्याप्त पीडा, बाध्यता र आशालाई संगीतको माध्यमबाट उजागर गर्ने उद्देश्यले लोक गीत “खाडी छिर्ने हो” गीतको भिडियो डिजिटल बजारमा सार्वजनिक गरिएको हो । गीतले खाडी मुलुकतर्फ रोजगारीको खोजीमा जाने लाखौं नेपाली युवाको कथालाई समेटिएको छ ।

गीतको शब्द तथा संगीत स्यम गायक आश्रम गुरुङले गरेका हुन्, जसले गीतलाई आत्मीय र वास्तविक बनाएको छ। संगीत संयोजन सुनिल परियारले गरेका छन् भने अडियो मिक्सिङ बिनोद परियारको रहेको छ। गीतको ध्वनिमा नेपाली मौलिक बाजाहरूको समावेशले अझ गहिरो प्रभाव पारेको छ। बाँसुरी र सारंगीको मार्मिक रत्न बिके र हेमन्त कान्छा रसाइलीले प्रस्तुत गरेका छन । गिटार सरोज विष्टले सम्हालेका छन् भने ढोलक, तबला र माडल जस्ता परम्परागत बाजाहरू भुवन गण्डर्ब र पोशन घर्ती मगरले बजाएका छन् । स्टुडियोका रेकर्डिस्टहरूमा रमेश खड्का र रोजित महर्जन रहेका छन्।

दृश्य सम्पादन र निर्देशन अर्जुन महर्जनले गरेका छन्। क्यामेरा अनुज काजीले सम्हालेका छन्। गीतमा आश्रम गुरुङ, रुपी सिङ्जाली मगर, किरण गुरुङ, विजय परियार, कालिदास स्वर्णकार, बलराम ओली र राजन गुरुङको सशक्त अभिनय देख्न सकिन्छ। गीतको पुरा भिडियो हेर्न तल क्लिक गर्नुहोस ।

https://www.youtube.com/watch?v=akfVPBIRHQY&t=15s

गायक आश्रम गुरुङगायिका रुपी सिङ्जाली मगर

प्रकाशित मिति: आइतवार, जेष्ठ १२, २०८२, ४:५८ बेलुका

लेखक: समाचारपाटी