काठमाडौं । नेपाली कांग्रेसका नेता प्रकाशमान सिंहले भावी राष्ट्रपति नेपाली कांग्रेसबाटै बन्ने दाबी गर्नुभएको छ। शुक्रवार नेपाल जेसिसको कार्यक्रमलाई सम्बोधन गर्दै नेता सिंहले यस्तो दाबी गर्नुभएको हो।

संसदमा नेपाली कांग्रेस पहिलो दल भएकोले राष्ट्रपतिमा आफूहरूको दाबी स्वभाविक भएको उहाँको तर्क रह्यो। सन्तुलनका लागि कांग्रेसले अघि सार्ने उम्मेदवारलाई बनाउन प्रयास गर्छौं र कांग्रेसकै उम्मेद्वार राष्ट्रपति बन्नुहुन्छ, सिंहले भन्नुभयो।

त्यसैगरी नेता सिंहले राजनीतिमा सरकार परिवर्तनको विषय स्वभाविक हुने पनि बताउनुभयो। उहाँले संविधानले दिएका अधिकार कार्यान्वयनमा ल्याउन विधिको शासन कायम हुनुपर्नेमा जोड दिनुभयो।

कांग्रेसले व्यवस्था परिवर्तन गरेर लोकतान्त्रिक प्रणाली स्थापित गरेको तर यसलाई संस्थागत गर्नका भने धेरै काम गर्न बाँकी रहेको सिंहको भनाई थियो।

नेता प्रकाशमान सिंह

प्रकाशित मिति: शुक्रबार, फाल्गुन ५, २०७९, १:४१ बेलुका

लेखक: समाचारपाटी