काठमाडाैँ । लोकप्रिय हास्य कलाकार शिव शंकर रिजाल जोगिन्दर’ ले आउदो गाईजात्रालाई लक्षित गर्दै गाइजात्रे
कमेडी कोसेली 'लुछाचडी’ ल्याउनुभएकाे छ । दर्शक तथा श्रोतालाई हास्यब्याब्ग्यको माध्यमबाट बिशुद्ध मनोरञ्जन दिने उदेश्यले उहाँले लुछाचुँडी’ सार्वजनिक गर्नुभएकाे हाे । ओएसआरको युट्युव च्यानल मार्फत सार्वजनिक लुछाचुँडी ’मा देशमा सबैको चासो र चिन्ताको बिषय रहेको भष्टाचार मुख्य मुद्धाको रुपमा निकै मार्मिक तरिकाले चिरफार गरिएको छ । अखण्डा भारत भित्र नेपालको भु–भाग राखिएको बिषय पनि उनको यो पटकको गाइजात्रामा परेको छ। भारतको चेपा र हेपा प्रबृती प्रति समेत उहाँले ब्याङग्य प्रहार गर्न भ्याउनुभएकाे छ ।

यस्तै गत मंसिरमा सम्पन्न प्रतिनिधिसभा र प्रदेशसभाको निर्वाचन समेत उहाँले ब्याङग्यमा समेटनुभएकाे छ । यो निर्वाचनमा
ठुलाठुला नेता हारेको बिषय प्रति उहाँले ब्याङग्य प्रहार गर्नुभएकाे छ । उहाँले हार्ने नेतादेखि जित्ने पार्टीसम्मलाई छाडनुभएको
छैन् । बिगतका बर्षहरु जस्तै यो पटक उहाँले आफ्नो गाइजात्रे’ कोसेलीमा प्यारोडी पनि राख्नुभएकाे छ । यो पटक
उहाँले फिल्म घामट शेरे’ को चर्चित गीत कहिले साली मनपर्यो’लाई कहिले देउवा मनपर्यो, कहिले ओली
मनपर्यो’ भन्दै प्यारोडी बनाउनुभएकाे छ । गीतमा उहाँले एमाले अध्यक्ष केपी शर्मा ओलीदेखि नेपाली कांग्रेसका
सभापति शेरबहादुरसँम्मलाई झटारो हान्नुभएकाे छ ।

दुई दशकदेखि गाइजात्रा पर्वमा नियमित कोसेली ल्याउने गरेका रिजालको लुछाचुँडी’ २१ औं कोसेली हो । गतबर्ष उहाँले गठबन्धन’ नामक गाइजात्रे कोसेली सार्वजनिक गर्नुभएकाे थियाे । सबैतिर लकडाउन भएको कोरोनाको समय
पनि उहाँले लकडाउन’ नामक ब्याङग्य कोसेली ल्याउँदै सबैको मन जित्नुभएकाे थियाे । यो पटक कलाकार जोगिन्दरलाई प्यारोडी गीत गायनमा प्रकाश ओझा, कर्णराज गिरी र राधिका हमालले साथ दिनुभएकाे छ । गीतका शब्द लोकराज अधिकारीले कोर्नुभएकाे हाे ।

लुछाचुँडीमा जोगिन्दरको अलवा घनश्याम गौतम नक्कली प्रचण्ड’, सुरेश तिमिल्सेना नक्कल ओली’,
गोपाल नेपाल नक्कली देउवा’ बनेका छन् । राधिका हमाल, साबित्रा लामिछाने, अर्जुन गिरी, ज्ञानदेब गिरी, प्रेम
शर्मा पौडेल, शिवराम कार्की लगायको समेत यसमा अभिनय छ । प्यारोडी गीतको नृत्य निर्देशन समन अधिकारीले गरेका छन्
। भिडियोको छायांकन रोयल थाइहस्पिटालीटी ठिमी र सिंगल ट्रि स्वंयम्बुमा गरिएको छ । लुछाचुँडी’को लेखन, प्रस्तुति र निर्देशन शिवशंकर रिजाल जोगिन्दर’आफैले गरेका हुन् । पोष्ट प्रोडक्सन कोचे मिडियामा भएको छ ।

गाइजात्रा हास्य कलाकारका लागि एउटा महान उत्सव भएकोले सधै झै यो बर्षपछि गाइजात्रे झटारो ल्याएको कलाकार
रिजालले बताउनुभयाे । सधै झै यो बर्षपनि दर्शकश्रोताले मेरो कोसेलीमा माया दिनुहुन्छ भन्ने विश्वास छ’, रिजालले भन्नुभयाे
राम्रो लागेमा प्रसंसा र नराम्रो लागेमा सुझाव दिनुहोला।’

बिसं २०६१ सालदेखि हरेक वर्ष निरन्तर रुपमा गाईजात्रे प्रस्तुति बजारमा ल्याइरहेका रिजाल गाईजात्रामा हास्य ब्याङग्य
कार्यक्रम गर्नु, प्रस्तुति ल्याउनु हास्य कलाकारको धर्म नै मान्दछन् । अहिले आएको आफ्नो गाइजात्रे कोसेली समसामाहिक बिषय र राजनीतिक बिकृति प्रतिको खरो झटारो भएको उहाँको धारणा छ । शिवशंकर अहिले गाइजात्रा टुर’को पनि तयारीमा हुनुहुन्छ । चितवनदेखि कन्चनपुरस्म्म हुने गाइजात्रा टुर’ बिभिन्न चर्चित हास्य कलाकारको सहभागतिा रहनेछ जाेगिन्दरले बताउनुभयाे।https://www.youtube.com/watch?v=vnOlbGtmktE

गाइजात्राजोगिन्दर

प्रकाशित मिति: शुक्रबार, साउन १९, २०८०, १:१० बेलुका

लेखक: समाचारपाटी