काठमाडौं । नेपाली कांग्रेस संसदीय दलको नेतामा शेरबहादुर देउवा निर्वाचित हुनुभएकाे छ । महामन्त्री गगनकुमार थापालाई ३९ मतान्तरले पराजित गर्दै देउवा दलको नेतामा निर्वाचित हुनुभएकाे हाे । देउवाले ६४ मत पाउँदा गगनले २५ मत पाउनुभएकाे नेता वीरबहादुर बलायरले जानकारी दिनुभयाे ।
निर्वाचनमा सबै ८९ जना सांसदहरुले मतदान गरेका थिए । नेपाली कांग्रेस संसदीय दलको निर्वाचनमा सांसद माया राईले अस्पतालबाटै भोट हाल्नुभएकाे थियाे । उहाँ सुत्केरी भएर ओम अस्पतालमा भर्ना हुनुभएकाे छ । निर्वाचन समितिका प्रतिनिधिहरु अस्पतालमै पुगेर उहाँको मत संकलन गरेका थिए ।
गगन थापालाई नेता शेखर कोइराला, उपाध्यक्ष धनराज गुरुङ, महामन्त्री विश्वप्रकाश शर्मा, प्रदीप पौडेल लगायतले समर्थन गर्नुभएकाे थियाे ।