मोरङको निर्वाचन क्षेत्र नं. ६ मा नेपाली कांग्रेसका शेखर कोइरालाले आफ्नो अग्रता कायमै राख्नुभएकाे छ।

प्रमुख प्रतिस्पर्धी एमालेका लालबाबु पण्डितलाई ७७० मतान्तरले पछि पार्दै शेखरले आफ्नो अग्रता कायम बनाउनुभएकाे हाे। विराटनगर -७ स्थित आदर्श माध्यमिक विद्यालयमा अहिले निर्वाचन क्षेत्र नं. ६ को मतगणना भईरहेको छ।

प्रतिनिधिसभा सदस्यतर्फ ७ हजार ७ सय ४७ सय मत गणना भइसक्दा डा. कोइरालाले ३ हजार ५ सय ३८ मत प्राप्त गर्नुभएकाे छ । उहाँका प्रतिस्पर्धी एमालेका पण्डितले २ हजार ७ सय ६८ मत प्राप्त गर्नुभएकाे छ ।

१ लाख २६ हजार ७ सय ६१ जना मतदाता रहेकोमा मोरङको क्षेत्र नं. ६ मा भने ६७ दशमलव ७२ अर्थात् ८५ हजार ८३७ जनाले मतदान गरेका थिए।

विराटनगरस्थित आर्दश माविमा अहिले मोरङको निर्वाचन क्षेत्र नं। ६ सहित ४ र ५ को पनि मतगणना भइरहेको छ।

morangनेपाली कांग्रेस

प्रकाशित मिति: मङ्लबार, मंसिर ६, २०७९, ३:३८ बेलुका

लेखक: समाचारपाटी