काठमाडौं । नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठले पार्टीभित्र प्रदूषण र भ्रष्टीकरणको समस्या देखा परेको बताउनुभएकाे छ। पेरिस डाँडामा आयोजित पोष्ट बहादुर बोगटीको स्मृति सभामा उहाँले अन्तर संघर्षलाई अतिरञ्जित बनाउन नहुने धारणा राख्नुभएकाे छ।

उहाँले भन्नुभयाे, ‘हाम्रो पार्टी प्रदूषण र भ्रष्टाचारको समस्या देखा परिरहेको बेला उहाँजस्ता पात्र राखेर सोच्नुपर्ने भएको छ। बोगटीजस्ता पात्र शिक्षा र प्रेरणा लिनुपर्छ।’ विचार र नेतृत्वमा प्रष्ट हुँदै अगाडि बढाएर पार्टीलाई अगाडि बढाउनुपर्ने उहाँको भनाई छ। अहिले पार्टी एकताबद्ध बनाउनुपर्नेमा उहाँले जोड दिनुभयाे। वरिष्ठ उपाध्यक्ष श्रेष्ठले पार्टीलाई सुदृढ र नेतृत्वलाई बढाएर गोलबद्ध हुनुपर्ने आवश्यकता रहेको उहाँको भनाई छ।

‘हाम्रो निश्चित रुपमा चुनौती र अवसर दुवै रहेको छ। उनले भने बेदाग भएर हामी सरकारबाट बाहिर निस्केका छौं।’ उहाँले भन्नुभयाे,‘पार्टीलाई एकताबद्ध गर्ने हो। नेतृत्व वरिपरि गोलबद्ध हुने हो र अझ सुदृढ गर्ने हो। विचारलाई अझ विकास गर्ने हो। क्रान्तिकारी र शक्तिशाली पार्टी बनाउन वैचारिक र सांस्कृतिक अभियान सञ्चालन गर्नुपर्ने आवश्यकता छ।’

उहाँले पार्टीलाई अन्य दलसँग एकता र सहकार्य गरेर अगाडि बढाउनुपर्ने बताउनुभयाे। उहाँले जनतासँग गएर जन संघर्ष गर्नुपर्ने बताउनुभयाे।

नारायणकाजी श्रेष्ठनेकपा माओवादी केन्द्र

प्रकाशित मिति: शनिबार, भदौ १, २०८१, १२:१२ बेलुका

लेखक: समाचारपाटी