महिला,बालबालिका तथा ज्येष्ठ नागरिकमन्त्री नवलकिसोर साह सुडीले बालविवाह अन्त्यको लागि तीन तहको सरकारले समन्वय र सहकार्य गर्न जरुरी रहेको बताउनुभएको छ ।

मंगलवार ललितपुरमा बालविवाह मुक्त नेपाल अभियान सञ्चालनका लागि आयोजित अन्तरक्रिया कार्यक्रममा बोल्दै मन्त्री सुडिले यस्तो बताउनुभएको हो । उहाँले संघ र प्रदेश सरकारले निर्माण गरेका कानूनहरुको कार्यान्वयनका स्थानीय तह लाग्न आवश्यक रहेको बताउनु भयो । उहाँले कानूनको परिपालनाका लागि आफू मातहतका स्थानीय तहहरुलाई निर्देशन दिन प्रदेश मन्त्रीहरुलाई निर्देशन पनि दिनुभयो । उहाँले सबैले आ—आफ्नै डबली बजाएर देशको कल्याण नहुने जिकिर गर्नुभयो । उहाँले बालविवाहका कारण बाललिकाहरुको शारीरिक र मानसिक शोषण भइरहेको उल्लेख गर्नुभयो । बालविवाहको अन्त्य गर्दै समाजमा विद्यमान समस्याहरुको समाधानका लागि सबै मिलेर अगाडि बढ्नुपर्नेमा उहाँको जोड छ । 

उहाँले भन्नुभयो, ‘बालविवाह न्यूनिकरणका लागि तीन तहको सरकारले मिलेर काम गर्नुपर्छ । संघले कानून बनाइदियो । प्रदेशले कानून बनाइदियो । स्थानीय तहले त्यसलाई कार्यान्वयनमा ल्याउँदैन भनेदेखि त्यो कितावमा मात्र सिमित हुन्छ । त्यसकारणले म सम्पूर्ण प्रदेशका मन्त्रीज्युहरुसँग महिला, बालबालिका तथा ज्येष्ठ नागरिक मन्त्रालय तपाईंहरुसँग काँधमा काँध मिलाएर अगाडि बढ्ने प्रतिज्ञा गर्दछु । र तपाईहरु पनि आफ्नो प्रदेश मातहत जति पालिकाहरु छ । त्यो पालिकाहरुसँग काँध मिलाएर कसरि सबै कानूनहरुको पालन गर्न सकिन्छ गर्नुहोस् । बालविवाहका कारण हाम्रा चेलिबेटीहरुको शारीरिक र मानसिक शोषण हुने गर्दछ । यसका विरुद्ध हामी सबैको आफ्नो आफ्नो तहबाट सोच्नैपर्ने अवस्था छ । तर अन्य चिजमा पनि हाम्रो सरकार, हाम्रो संविधान त्रिपक्षीय सरकारको कल्पना गरेको छ । त्यसैले हामीलाई पनि तीनै सरकारलाई मिलेर यो देशमो समृद्धिको लागि, विकासको लागि र उन्नतीको लागि सहकार्य ग¥यो भने सम्भव छ । आफ्नै आफ्नै डबली बजाए भने देशको कल्याण हुँदैन । बालविावहमुक्त नेपाल बनाउनका लागि र समाजका अन्य समस्याकाको समाधानका लागि अगाडि बढ्न जरुरी छ ।’

मन्त्री सुडीले तीनै तहको सरकार मिलेर अघि बढ्नसकेमात्र सामाजिक विकृतिहरुको अन्त्य गर्न सकिने बताउनु भयो ।

—न्युज एजेन्सी नेपाल

प्रकाशित मिति: बुधबार, पुस १७, २०८१, १०:३१ बिहान

लेखक: समाचारपाटी