काठमाडौं । प्रधानमन्त्री पुष्पकमल दाहाल प्रचण्डले माध्यमिक शिक्षा परीक्षा (एसईई) मर्यादित बनाउन अपिल गरेका छन्। प्रधानमन्त्री पुष्पकमल दाहाल प्रचण्डले सामाजिक सञ्जाल फेसबुकमा लेख्दै एसईईलाई व्यवस्थित, मर्यादित, शान्त र भयरहित बनाउन परीक्षासँग सबन्धित सबैमा आग्रह गरेका हुन्।

''आजदेखि सुरू हुने माध्यमिक शिक्षा परीक्षा (SEE) मा सहभागी हुनुहुने सम्पूर्ण विद्यार्थी भाइबहिनीहरूको उज्जवल भविष्यको कामना गर्दछु। एसईईलाई व्यवस्थित, मर्यादित, शान्त र भयरहित बनाउन आ(आफ्नो ठाउँमा भूमिका खेल्न परीक्षासँग सम्बन्धित सबैमा हार्दिक अपील गर्दछु,''प्रधानमन्त्रीले लेख्नुभएकाे छ ।

यस वर्षको एसईई परीक्षा आजदेखि सुरु भएको छ। बिहान ८ बजेदेखि देशभर एकैसाथ सुरु भएको परीक्षा ११:०० बजेसम्म हुनेछ। एसईई परीक्षाका लागि यस वर्ष परीक्षामा कुल चार लाख ८४ हजार दुई सय २७ परीक्षार्थी सहभागी  भएका छन् । देशभर २ हजार ३६ परीक्षा केन्द्रहरू छन् । रोजगारीका लागि जापान पुगेका १४ जनाले पनि जापानबाटै परीक्षा दिन लागेका छन् ।

अपिलएसईईप्रधानमन्त्री

प्रकाशित मिति: शुक्रबार, चैत्र १७, २०७९, ११:२३ बिहान

लेखक: समाचारपाटी